Афіцыйны сайт
Адрас райвыкамкама:
231400, г. Навагрудак,
вул.Міцкевіча, 11
Электронная пошта:
novogrudok_rik@mail.grodno.by
Тэлефон: (8-015-97)-2-28-18
Факс: (8-015-97)-2-29-33

Сельская гаспадарка

Сельскагаспадарчыя прадпрыемствы і арганізацыі

Вытворчасць сельскагаспадарчай прадукцыі засяроджана ў 8 сельскагаспадарчых арганізацыях: ААТ «Шчорсы», СВК «Нягневічы», ААТ «Прынёманскі», ААТ «Уселюб», ААТ «Кашалева-Агра», ААТ «Гарадзечна», СРДУП «Свіцязь» і філіял «АграНеман» ААТ «Лідахлебапрадукт».

За гэтымі арганізацыямі замацавана 62,6 тыс. га сельскагаспадарчых угоддзяў, у тым ліку 39,7 тыс. га раллі. У сярэднім на адну сельгасарганізацыю прыходзіцца 7,8 тыс. га сельгасугоддзяў і 5 тыс. га раллі. Кадастравая ацэнка сельгасугоддзяў раёна 26,9 бала, раллі – 30,5 бала. Ралля займае 63,4 % плошчы сельскагаспадарчых угоддзяў. Шчыльнасць буйной рагатай жывёлы на 100 га сельгасугоддзяў складае 63,9 галавы, у тым ліку 23,6 галавы кароў, свіней на 100 га раллі – 90,7 галавы.

Раён спецыялізуецца на вытворчасці мяса-малочнай прадукцыі з развітай збожжавай гаспадаркай, вырошчваннем цукровых буракоў, рапсу і ільнаводствам. У структуры валавай прадукцыі малако займае 34,2 %, мяса – 24 %, збожжа - 13,9 %, цукровыя буракі - 6,6 %.

У гаспадарках раёна праводзіцца мэтанакіраваная работа па скарачэнні дробнатаварнай высоказатратнай вытворчасці, рэканструкцыі і стварэнні новых магутнасцяў з больш эфектыўнымі сучаснымі тэхналогіямі. Струменевая вытворчасць малака, дыферэнцыяванае кармленне ў залежнасці ад фізіялагічнага стану жывёл і ўзроўню іх прадуктыўнасці, тэхналагічна высокая якасць прадукцыі, зніжэнне выдаткаў на яе вытворчасць - вось складнікі прагрэсу ў малочнай галіне.

Дзве сельгасарганізацыі раёна спецыялізуюцца на бульбаводстве: ААТ «Прынёманскі» і ААТ «Кашалева-Агра». Для павышэння эканамічнай эфектыўнасці вытворчасці бульбы пабудавана і рэканструявана ў кожнай з гэтых арганізацый сучаснае бульбасховішча на 2000 тон.

Асноўнымі задачамі развіцця сельгасвытворчасці раёна з'яўляюцца: забеспячэнне рэнтабельнай вытворчасці прадукцыі, павышэнне плацежаздольнасці сельгасарганізацый, павышэнне канкурэнтаздольнасці прадукцыі, павелічэнне даходаў сельскагаспадарчых работнікаў.

Для рэалізацыі вызначаных задач прадугледжваецца працягнуць працу:
- па паглыбленні спецыялізацыі сельгасарганізацый з улікам глебава-кліматычных умоў, працоўных рэсурсаў і інфраструктуры АПК (прыярытэтнае развіццё буйнатаварнай вытворчасці);
- па тэхнічнаму і тэхналагічнаму перааснашчэнню сельгасвытворчасці;
- па паляпшэнню кадравага забеспячэння АПК на аснове павышэння якасці падрыхтоўкі спецыялістаў і стварэння належных жыллёва-бытавых і іншых умоў для іх замацавання на вёсцы;
- па рацыянальным выкарыстанні працоўных і матэрыяльных рэсурсаў, зніжэнню выдаткаў вытворчасці, павышэнню матывацыі і прадукцыйнасці працы.

* * *

Асноўная мэта сельскагаспадарчых арганізацый раёна - далейшае нарошчванне вытворчасці канкурэнтаздольнай прадукцыі з падтрыманнем высокага ўзроўню яе якасці, у адпаведнасці з патрабаваннямі рынку, і на аснове гэтага дамагацца павышэння дабрабыту працаўнікоў вёскі.